Tûn Lai Hlate Aṭangin Eng Nge I Zir Theih?

Tûn lai hlate zîngah duh bîk i nei em? Engvângin nge? Chûng video-te chuan kan nî tin nun dân a târ langin i hria em? Thupui chi hrang hrang leh rimawi chi hrang hrangte chuan mi tinte tân ṭangkaina a nei ṭheuh va. Mahse, tûn lai hlate leh music video-te chu intihhlimna atâna maia siam a ni lo.

Tûn lai hlate chuan kan Kristian nun leh rawngbâwlnaa kan hman nghâl theih tûr thu pawimawh tak min zirtîr a. Hla ṭhenkhatin khualchhâwn thiamna te, inpumkhatna te, inṭhianna te, huaisenna te, hmangaihna te, leh rinna te a târ lan laiin, a dangte chuan Jehova hnêna kîr leh chungchâng te, ngaihdamna lantîr te, nî tina kan rinawmna vawn te, leh Jehova rawng tam lehzuala bâwl theih dân te a târ lang a ni. Phone hman chungchânga inbûk tâwk thiam a ngaih dân târ langtu hla pawh a awm bawk. Tûn lai hlate aṭangin eng zir tûr ṭangkai tak dang nge i hmuh?

TUN LAI HLA HUAISENNA MIN PE RAWH TIH MUSIC VIDEO EN HNUAH, A HNUAIA ZAWHNATE HI CHHANG ANG CHE:

• Video kan en tâkah khân, unaute’n eng dinhmun hrang hrang hnuaiah nge huaisenna an lantîr?

• Unaute chuan eng nge an rin ngheh tlat?—Gen. 14:20

• Nakin lawkah eng nge kan hmachhawn dâwn?

• Eng dinhmun hnuaiah pawh huaisenna lantîr tûrin engin nge min ṭanpui ang?—2 Lal. 6:16