Krista Hniak Hnung Zui Rawh

Isua chuan a bîk takin fiahna leh tihduhdahna kan tawrh huna entawn tûr min hnutchhiah a. (1 Pet. 2:21-23) Mite hmuhsit a nih hunah leh hrehawm a tawrh hunah pawh a thungrûl ngai lo. (Mk. 15:29-32) Chhel taka tuar chhuak tûrin engin nge ṭanpui? Jehova duh zâwng tih a tum nghet tlat a. (Joh. 6:38) Chu bâkah, “a hmaa hlimna awm” a ngaihtuah tlat bawk a ni.—Heb. 12:1, 2.

Kan rinna avânga dik lo taka cheibâwl kan nih hunah engtin nge kan chhân lêt? Kristian dikte chuan ‘sual chu sualin an thungrûl’ lo va. (Rom 12:14, 17) Chhel taka Krista’n hrehawm a tawrh chhuah dân kan entawn hian, Pathian pawm kan hlawh avângin kan hlim thei a ni.—Mt. 5:10-12; 1 Pet. 4:12-14.

JEHOVA HMING A PAWIMAWH BER TIH VIDEO EN HNUAH A HNUAIA ZAWHNATE HI CHHANG ANG CHE:

• Engtin nge Unaunu Pötzinger-i* chuan tân ina khung hran a nih laiin a hun chu ṭha taka a hman?

• Unau Pötzinger te nupa chuan concentration camp hrang hranga an awm laiin eng hrehawmte nge an tawrh?

• Chhel taka tuar chhuak tûrin anni chu engin nge ṭanpui?