Hmangaihna Pathian Hnên Aṭanga Chatuan Malsâwmnate I Chên Thei

• Indona te, tharum thawhna te, leh innghirnghonate awm lohna khawvêla chên chu i châk em?

• Natna te, hrehawm tawrhna te, leh thihnate hi awm tawh lo se i duh em?

• Lungngaihna leh manganna laka zalên i duh em?

• Leilung chhiatna awm lohna hmuna chên i duh em?

Kan chênna leilung mawi tak Siamtu leh min hmangaihtu Pathian chuan mihringte chu remna leh hlimna tluantling chên tûrin malsâwm a tiam a ni. Hei hi suangtuahna mai a ni lo.

A dawta thuziakah chuan:

• Siamtuin mihringte min hmangaih dân te

• Pathian Thu, Bible-in chûng malsâwmna chungchâng min hrilh te

• Pathian zâwlneite’n a thutiam malsâwmna chungchâng an târ lan te

• Tûna hlimna nei tûr leh Pathian hun ruata chatuan malsâwmna dawng tûra kan tih theihte ngaihtuah tûrin kan sâwm a che.

Tûnah, Siamtuin a mihring siamte chunga ngaihsakna duhawm tak a lantîr dân chu i lo en hmasa ang u.