Thusawi Dân Tûr Entîrna

November Thla Inrinni Hmasa Bera Bible Zirpui Neih Ṭanna Tûr

“Mitthite an nung leh ang tih beisei chhan tûr engemaw tal a awm i ring em? [A chhânna nghâk rawh.] He mi chungchânga Pathian thutiam ngaihvenawm tak ṭhenkhat ka hmuhtîr thei che ang em? [In neituin rem a tih chuan November 1 chhuak Vênnainsâng phêk hnung lam chu hmuh rawh.] Hei hian Isua leia a awm laia a thiltih chu a hrilhfiah a. [Zawhna hnuaia paragraph pahnih chu chhiarsak la, tichuan, Bible châng târ lan pakhat tal chhiar ang che.] Isua’n engvânga mitthite kaitho nge a nih a, chu chuan kan tân eng awmzia nge a neih?, tih chungchâng sawiho tûrin ka lo lêng leh thei ang em?”

Vênnainsâng November 1

“Khawvêla thil râpthlâk tak takte a thlen chhan hi i lo ngaihtuah tawh ngai em? [A chhânna nghâk rawh.] A thlen chhan dik tak Siamtuin min hrilh chu ka hmuhtîr thei che ang em? [In neituin tuina a lantîr chuan Thu Puan 12:9 chhiar rawh.] Mahse, châng 12 chuan beisei tûr min pe a ni. [Thu Puan 12:12 chhiar rawh.] Satana sual thununna chu a ral thuai dâwn. He thuziak, ‘Setana Chu Kan Hlau Tûr A Ni Em?’ tih hian tûna Setana thununna laka kan invên theih dân leh kan hma lawka Setana chunga thil la thleng tûr chu a sawi lang a. I chhiar duh chuan, hei hi i ta tûr a ni.”