I Lo Hre Tawh Em?

Engvângin nge Jerusalem biak inah tangka thlengtuho an awm?

▪ Isua chuan a thih hma lawk khân, biak in chhûnga thilthleng dik lo nasa tak chu a chingfel a. Bible chuan heti hian min hrilh a ni: “Isua . . . [chuan] biak ina englo zuartute leh leitute zawng zawng chu a hnawt chhuak a, tangka thlengtuho dawhkânte leh ṭhuro zuarho ṭhutphahte pawh chu a nam thlûksak a; an hnênah, ‘“Ka in chu ṭawngṭaina in an ti ang,” tih ziak a ni; nangni erawh chuan suamhmangte pûkah in siam zâwk ṭhîn a ni,’ a ti a,” tiin.—Matthaia 21:12, 13.

Kum zabi khatnaa Judate leh saphunte chu an awmna ram hrang hrang leh khaw hrang hrang aṭanga an tualchhûng tangka te kengin Jerusalem-ah an lo kal a. Mahse, biak in chhiah chawi nân, inthawina ran lei nân, leh mahni duh thua thilpêk hlan nân an tangka rawn kente hi a hman theih loh va. Chuvângin, tangka thlengtuho chuan thleng man lain an tangka rawn kente chu tangka hman theihin an lo thlengsak ta ṭhîn a ni. Judate kût nî a lo hnaih chuan, hêng tangka thlengtuho chuan biak in chhûng Jentailte Tual-ah dâwr an siam ṭhîn a ni.

Isua’n tangka thlengtuho chu biak in ‘suamhmangte pûka siam’ anga a sawina aṭangin tangka thleng man an ti sâng hle a ni tih a hriat theih a ni. (w11-E 10/01)