Ro Hlu Tak Pathian Lehkhabu

1. Lehkhabu chhah tak hring fate tân a awm,

Remna, beiseina, nun hlimawm a pe;

A thuziakte’n thil ropui tak a ti thei,

Thlarau mit vârna leh nunna min pe;

Chu lehkhabu chu Pathian Lehkha Thianghlim,

A thute chu Pathian thâwk khuma ziak;

Jehova hmangaihtu mi rinawmte chuan,

A thlarau hruaina zuiin an ziak chhuak.

2. An chhinchhiah Pathian thiltihtheihna vânga

Lei leh vân ropui siam a nih dânte;

Mihring ṭha famkima siam kan nih thu leh

Paradis mawi tak kan hloh dân thute;

Vân mite zînga vântirhkoh pakhat chuan

Pathian lalchungnunna dovin a cho;

Chu chuan min thlen sual leh thihna bâwihah chuan,

Mahse Jehova’n hnehna a chang ang.

3. Beiseina kâwl a lo êng hring fate tân,

Jehova hriak thih Lalin ro a rêl;

Kan puang chhuak ang hmun tinah Lalram chanchin,

A malsâwmna mi tinte’n an hriat nân;

Bible-ah a chuang hêng chanchin lâwmawmte,

Thlarau ruai thianghlim kan kîl tûr thute;

Kan suangtuah phâk bâk rilru muanna min pe,

He Ro hlu Bible mi tinte’n chhiar se.