HLA 95
Eng Chu A Eng Zual
(Thufingte 4:18)
1. Hmân lai zâwlneite’n beng chhiin an ngaihven,
Thil siam zawng zawngte beisei Krista;
Messia lo langa min chhandam dân tûr thu,
Pathian thlarau chuan min hriattîr ta;
A thleng a hun ruat, Messia rorêlna hun,
Hrilh lâwk thu zawng zawng famkimin;
Vân mite ngaihven he thu rîl kan hria hi,
Malsâwmna ropui a va ni êm!
(THUNAWN)
Kâwla ni chhuak êng zual zêl angin,
Kan kawng zawh chu a êng zual zêl;
Pathian min hmuhtîrte thlîr zêlin,
Kan phei khaite a hruai zêl ang.
2. Kan Lal Krista chuan bâwih rinawm tak a ruat,
Thlarau chaw a hun taka semtu;
Thutak chu a êng kâwla nî chhuak angin,
Thinlung leh rilru a tichak thar;
Kan kawng a fiah zual, kan pheichheh a nghet zual,
Chhûn ni êng hnuaiah kan kal zêl;
Thutak zawng zawng Hnâr Jehova zârah chuan,
Hlim leh lâwm takin a kawng kan zawh.
(THUNAWN)
Kâwla ni chhuak êng zual zêl angin,
Kan kawng zawh chu a êng zual zêl;
Pathian min hmuhtîrte thlîr zêlin,
Kan phei khaite a hruai zêl ang.
(Rom 8:22; 1 Kor. 2:10; 1 Pet. 1:12 en bawk rawh.)