HLA 75
Hetah Ka Awm! Min Tîr Ta Che
(Isaia 6:9)
1. Jehova hming thianghlim tak chu,
Mite’n zah lovin, an sawichhia;
Chak lo leh nunrâwngah an puh:
“Pathian rêng a awm lo,” an ti;
Tu’n nge Pathian hming chawimawiin,
Mi zawng zawng hriat tûra fak ang?
(THUNAWN 1)
‘Lalpa, ka awm! Min tîr ta che,
Ka fak ang che rinawm takin.
Chawimawina sâng zâwk a awm thei lo’ng,
Aw, Lalpa! Min tîr ang che.’
2. Mite’n Pathian muangah an puh,
Pathian ṭihna lah an nei lo;
Ṭhenkhatin lung milem an bia,
Pathianah an dah Kaisara;
Tu’n nge mi sual hmabâk hrilhin,
Pathian indona vaukhân ang?
(THUNAWN 2)
‘Lalpa, ka awm! Min tîr ta che,
Ka vaukhân ang huaisen takin;
Chawimawina sâng zâwk a awm thei lo’ng,
Aw, Lalpa! Min tîr ang che.’
3. Thuhnuairawlhte an ṭap mêk e,
Sualna a pun zêl avângin;
Thinlung ṭha tak puin an zawng,
Rilru muanna petu thutak;
Tu’n nge thuhnuairawlh thlamuanin,
Felna an zawnnaah pui ang?
(THUNAWN 3)
‘Lalpa, ka awm! Min tîr ta che,
Ka zirtîr ang dawhthei takin;
Chawimawina sâng zâwk a awm thei lo’ng,
Aw, Lalpa! Min tîr ang che.’’
(Sâm 10:4; Ezek. 9:4 en bawk rawh.)