Nî Tin Jehova Nêna Lêng Dûnin

1. Kan Pa duh tak nên inkaiin,

Nî tin kan lêng ang inngaitlâwmin;

A kawng zawngtu hnêna a pêk,

A ngilneihna kan va phu lo êm!

A kut vuana kan kal theih nân,

Ruahmanna min siamsak ta;

Jehova lama kan ṭan nân,

A hnênah kan inpumpêk ta.

2. Mihring chunga rorêlna hun,

Khawvêl tâwpna a hnaih hunah hian;

Hlauva min hnungtawlhtîr theitu,

Dodâlnate kan hmachhawn fo ṭhîn;

Mahse Jehova’n min vênghim,

Amah hnaiha awm kan duh;

Chatuana a rawng kan bâwl nân,

Rinawm takin hmangaih reng r’u.

3. Pathianin min pe ṭanpuina,

A thlarau leh a Thu ziak hmangin,

Kristian kohhran kal tlang pawhin,

Kan ṭawngṭai ngaihthlâksak tiamna nên;

Lal Jehova nên kan lên chuan,

Thil dik ti’an min pui ang;

A khawngaihna entawn tûr leh,

Thuhnuairawlha lêng dûn tûrin.