Thlarau Thil Siam Maktaduai Tam Tak

Bible chuan thlarau thil siam tam tak an awm thu min hrilh a. Jehova ngei pawh thlarau a ni.—Johana 4:24; 2 Korinth 3:17, 18.

Ṭum khat lai chuan, Jehova chu lei leh vânah amah chauhvin a awm a. Chumi hnuah chuan, vântirhkohte tia koh thlarau thil siamte chu a siam ṭan a. Anni chu mihringte aiin thil an ti thei zâwkin an fing zâwk a. Jehova chuan vântirhkoh tam tak a siam a; Pathian chhiahhlawh Daniela chuan inlârnaah, vântirhkoh maktaduai tam tak a hmu a ni.—Daniela 7:10; Hebrai 1:7.

Chûng vântirhkohte chu Pathianin leilung a siam hma aṭang daih tawha a siamte an ni a. (Joba 38:4-7) Chûngte chu leia nung tawh a, boral leh ta mihringte an ni lo.