Chêngkawl Chi Khat (Limpet) Ha Insiam Dân

Tuia chêng chî chêngkawl chi khat (limpet) a kâwr mûm zumte hian ha chak danglam bîk tak an nei a. Chûng an hate chu protein nêm zâwk thil zai sîn tam tak nêna infinkhâwma siam a ni.

Ngaihtuah rawh: Lei ang tak chêngkawl (limpet) hate hi millimeter khat (3/64 in.) vêla sei a ni a, file ang maiin a intlar a ni. An hate chu lunga bet pâtêkte ei nân an hman avângin chak tak leh nghet ṭha tak a nih a ngai a ni.

Mi thiamte chuan an ha chak dân chu a fân tâwp rak thlenga pawtin enlenna chak takin an en a. Chêngkawl (limpet) hate chu enchhinna an neih tawh azawnga fei ber, maimawm rîl ai pawha fei zâwk a ni tih an hmu chhuak a ni. Mi thiamte zînga an hruaitu chuan: “Kan thil siam chhuahah chêngkawl (limpet) hate insiam dân entawnin thil la siam chhuah tum ila a ṭha ang,” tiin a sawi.

Mi thiamte chuan chêngkawl (limpet) ha insiam dân entawna siam hmanruate chu motor te, lawng te, thlawhna te, leh ha siamna lamahte pawh a hman theih an ring a ni.

Engtin nge i ngaih? Chêngkawl (limpet) ha insiam dân mak tak hi chanchhâwnna avânga lo awm nge ni a, siam a ni zâwk?