Jehova Thuhretute’n Khawvêl Hi Dârkâr 24-a Rei Ni Ruk Chhûnga Siam A Ni Tih An Ring Em?

Ring lo. Jehova Thuhretute chuan Pathianin thil engkim a siam tih an ring a. Mahse, dârkâr 24-a rei ni ruk chhûnga siam a ni tih hi kan pawm lo. Engvângin nge? Chu ngaih dân chu Bible nên a inmil loh vâng a ni. A hnuaia entîrna pahnih hi lo ngaihtuah ta ila:

1. Thil siam ni ruk chhûng rei zâwng. Mi ṭhenkhat chuan thil siam ni ruk chhûng hi dârkâr 24-a rei nîte niin an ngai a. Mahse, Bible-a “nî” tih hian hun rei tak a kâwk thei a ni.—Genesis 2:4; Sâm 90:4.

2. Leilung upat zâwng. Ṭhenkhat chuan leilung hi kum sâng têl chauhva upa angin an zirtîr a. Mahse, Bible sawi ang chuan lei leh vân hi thil siam hun chhûng ni ruk hmain a awm tawh a ni. (Genesis 1:1) Chuvângin, Jehova Thuhretute chuan leilung hi kum maktaduai têla upa a ni thei tih scientist-te thil hmuh chhuah rin tlâk tak chu an hnial lo.

Jehova Thuhretute hian thil engkim hi siam a ni tih ring mah ila, science thiamna hi kan hnâwl lo va. Science dik tak leh Bible a inrem tih kan ring a ni.