Manaina Angin Thlarau Lam Thilte Chu I Nunah Dah Pawimawh Ber Rawh

Manaina chu kum zabi khatna hun laia Antiokei kohhrana hma hruaitute zînga pakhat a ni a. Ani chu “rorêltu Heroda lehkha zirpui” a ni. (Tirh. 13:1) Chuvângin, Manaina chu lehkha zir sâng tak niin, mi hausa chhûngkuaa seilian a nih a rinawm bawk.

Chutiang ṭobul aṭanga lo kal ni mah se, Manaina chuan Kristian rawn ni a, kohhran ṭanpui tûrin duh thlanna a siam a. A zir sânna emaw, mi thiltithei tak takte a hmêlhriatna emaw chu ama hlâwkna atân a hmang lo va. Chu aiin, a unaute rawng a bâwlsak zâwk a ni.

Manaina entawn tûr siam chuan khawvêl hmingthannate leh sum leh paite aiin Jehova rawngbâwl a pawimawh zâwk tih a târ lang a. Manaina angin, khawvêl thilte ûm aiin thlarau lam thilte chu kan dah pawimawh zâwk tûr a ni. (Mt. 6:33) Chu bâkah, zirna kan ngaih pawimawh rualin, ‘thil pawimawh zâwkte chu kan fiah a,’ khawvêl thilte chuan Jehova kan biakna a tihbuai chu kan duh lo bawk.—Phil. 1:9, 10.