Nî Tina I Bible Chhiarna Hun Duan Chu Vawng Rawh

I buai theih êm avângin, nî tina i Bible chhiarna hun duan vawn reng chu harsa i ti em? (Jos. 1:8) I tih chuan, hêng thurâwn târ lante zînga pakhat hi tih tum ang che:

• Hriat chhuahtîr theitu che thil ruahman rawh. I phone-ah alarm set ang che.

• I Bible chu hmun langsârah dah rawh. Bible chu a bu-a i chhiar a nih chuan, nî tin awlsam taka i hmuh theihna tûr hmunah dah rawh.—Deut. 11:18.

• Aw thun sa ngaithla rawh. Thil dang i tih pahin ngaithla ang che. Pioneer nia rawngbâwla, zâna hna thawk ṭhîn Tara-i chuan, “In chhûng sekrek khawih paha Bible aw thunsa ngaihthlâkna chuan nî tina ka Bible chhiarna hun duan vawng thei tûrin min ṭanpui a ni,” tiin a sawi.

• Beidawng suh. Beisei loh thilthlengte avânga i hun duan i zui thei lo a nih chuan, i mut hmain Bible châng tlêm azâwng chhiar ang che. Nî tina Bible châng tlêm azâwng chauh kan chhiar thei a nih pawhin, chu chu tam takin kan hlâwkpui thei a ni.—1 Pet. 2:2.