I Thinlung Buatsaih Rawh

Bible kan zir hian Jehova ngaihtuahnate’n kan thinlung, a nih loh leh chhûng lama kan nihna a nghawng chu kan duh a. Hemi chungchângah Ezra khân ‘Jehova dân chu hriaa zâwm tûra a thinlung siam tlatin,’ entawn tûr ṭha tak a hnutchhiah a ni. (Ezr. 7:10) Engtin nge kan thinlung kan buatsaih theih?

Ṭawngṭai rawh. Inzirna i neih ṭan hmain ṭawngṭai ang che. I thu zirte hre thiam tûr leh nunpui tûra ṭanpui tûr chein Jehova hnênah dîl rawh.—Sâm 119:18, 34.

Inngaihtlâwmna nei rawh. Chapo taka an finna rinchhan tlattute lakah Pathianin thutak chu a thup a. (Lk. 10:21) Mi dangte rilru lâk nân maia zir bingna neih chu pumpelh la. I ngaihtuah dân leh Pathian ngaihtuah dân a inmil loh hunah inngaitlâwm takin insiamrem ang che.

Lalram hla eng emaw ber ngaithla rawh. Rimawi hian kan thinlung a khawihin biakna atâna inpeih tûrin min ṭanpui thei a. Inzirna neih ṭan hmaa Lalram hlate ngaihthlâkna chuan i thinlung buatsaih tûrin a ṭanpui ang che.