MAY 25-31

ISAIA 65-66

Hla 24 leh Ṭawngṭaina | Inkhâwm Hmêlhriattîrna (1 min.)

PATHIAN THU AṬANGA RO HLUTE

1. Thlarau Lam Paradis Chu Kan Ngaihlu!

(10 min.)

Pathian chhiahhlawhte’n thlarau lam paradis-ah chuan thlarau lam chaw tam tak an nei (Is. 65:13; w24.04 21 ¶5)

Kan thlarau lam paradis chuan hrehawmna leh lungngaihna tuar chhuak tûrin min ṭanpui (Is. 65:14-17; w24.04 22 ¶9-10)

Himna leh remna kan neih hi khawvêlin a neih nên chuan tehkhin rual a ni lo (Is. 65:25; w24.04 23 ¶13)

HRILHFIAHNA: “Thlarau lam paradis” tih hian thlamuang taka Jehova chibai kan bûk theihna hmun a kâwk a. Chutah chuan Jehova leh mi dangte nên inlaichînna muanawm tak kan nei.

Milem: Unaute chuan thlarau lam paradis an hlâwkpui. 1. Kingdom Hall-ah hlim takin an inbia. 2. Hlim takin Kingdom Hall pâwnah hna an thawk. 3. Tân ina pindan chhûngah kum upa unaupa chuan ṭhalai unaupa chu a fuih. Unaute hnên aṭanga card leh lehkhathawn an dawnte chu bangah an târ. 4. Unaunu dam lo chu nupa tuak khatin an va tlawh chuan a hlim hle. Unaupa nupuiin unaunu kut chu a vuan a, an pa chuan bâwm khatin thei leh card-te a keng.

2. Thlarau Lam Lunghlute

(10 min.)

Is. 66:12, 13—Engtin nge Jehova chu hmangaihna ngah tak nu ang a nih? (w24.01 26 ¶4)

I chhânna
Tûn kâr Bible chhiar aṭangin eng thlarau lam lunghlute nge i sawi duh?

I chhânna

3. Bible Chhiar

(4 min.) Is. 65:17-25 (th zirlai 10)

THLAWHHMA RAWNGBAWLNAAH INHMANG RAWH

4. Tîtî Ṭanna

(3 min.) TAWNCHAWPA THU HRILHNA. Mi chu Jehova Thuhretute zînga mi i ni tih pângngai taka hriattîr theih dân kawng zawng rawh. (lmd zirlai 5 point 3)

5. Tîtî Ṭanna

(2 min.) VANTLANG HMUNA THU HRILHNA. Mi chuan hnial che a tum. (lmd zirlai 4 point 5)

6. Tîtî Ṭanna

(3 min.) IN TIN. Tract pakhat hmangin tîtîna ṭan rawh. (lmd zirlai 1 point 4)

7. I Rinna Hrilhfiah Rawh

(3 min.) Lemchan. ijwbq thuziak 90—Thupui: Sakhaw Pâwl Pakhata Tel A Ngai Kher Em? (th zirlai 17)

KRISTIANTE ANGIN NUNG RAWH

Hla 80

8. Chân Nei Niin I Inhria Em?

(15 min.) Sawihona.

Milem: “ ‘Chanchin Ṭha Avângin’ Eng Nge I Tih Ang?” tih video-a milem. 1. Unau Tomohiro Nishimura-a chu Bethel-a lehkhabu siamnaah a thawk. 2. Unaunu Happiness Mabho-i chu translation office-ah a computer-in hna a thawk. 3. Rayner leh Keziah Fernando-te chuan construction servant nia rawng an bâwlna branch-ah unaute an lo lâwm. 4. Unau George Telan, Jr-a leh unaupa dangte chu Bethel Service Department-ah hna an thawk. 5. Unaunu Ramona Welsch-i chuan Bible zirna a kaihruai.

Hunbi kima Jehova rawngbâwl i ngaihtuah ngai em? Chutianga nun i hmanna chuan i nunah thil ṭhenkhat chân nia inhriatna a neihtîr che em? A nih loh leh, ‘Jehova betu zawng zawngte’n chatuan nunna an chang dâwn a nih chuan tam lehzuala rawngbâwl tûra inpêk chu eng nge a ṭangkaina?’ tiin i ngaihtuah ngai em? Chutianga i ngaihtuah a nih chuan, Jehova’n amah rinchhantute lakah “thil ṭha rêng rêng a ui lo vang,” tih hre reng rawh. (Sâm 84:11, 12) Jehova hnêna kan neih ṭhat ber kan pêk loh hian nuna thil hlu takte chu kan chân zâwk a ni.

Jehova chuan a mite chu tûnah leh chatuan thleng pawhin mal a sâwm ang. “Chanchin Ṭha Avângin” Eng Nge I Tih Ang? tih VIDEO chu chhuah la. Tichuan, ngaithlatute chu heti hian zâwt ang che:

Hêng ṭhalaite hian Jehova rawng tam lehzuala an bâwl avângin eng malsâwmnate nge an dâwn?

I chhânna

I dinhmunte avângin hunbi kimin Jehova rawng i bâwl thei lo a nih chuan engtin nge ni ang? Jehova chuan an neih ṭha ber a hnêna petute chu mal a sâwm ṭhîn. Chuvângin, “malsâwmna dawn sên loh khawp hial” a vûr dâwn che tih hre rengin, Jehova chu i neih ṭha ber pe chhunzawm zêl ang che.—Mal. 3:10.

9. Kohhrana Bible Zirna

(30 min.) w16.07 12-14 ¶14-21