Inneihna—Dam Chhûng Daih Inkawpna

Kristian inneihna hlawhtling tak chuan Jehova a chawimawi a, nupate hlimna a thlen bawk. (Mk. 10:9) Inneihna nghet leh hlimawm nei tûrin Kristiante chuan kawppui an thlan hunah Bible thu bulte an zâwm tlat tûr a ni.

Tisa châkna nasa takin thu tlûkna siam a tihharsat hun ‘tleirâwl pârmawina a chuai hnuah’ chauh ngaihzâwng neih chu a finthlâk a ni. (1 Kor. 7:36, Baptist Mid-Missions’) Kawppui nei lova i awm hun chhûng chu Pathian nêna in inlaichînna tihngheh nân leh Kristian miziate neih chhoh nân fing takin hmang ang che. Tichuan, inneihna hlawhtling nei tûrin dinhmun ṭha zâwkah i ding thei ang.

Tuemaw neih i remtih hmain “thinlunga mihring thurûk” hre tûrin a ṭûl angin hun hmang ang che. (1 Pet. 3:4) Rinhlelhna i nei ṭan a nih chuan chu chu i kawppui ni mai tûr nên chuan sawi dûn ang che u. Mihring inlaichînna dang ang bawkin inneihnaah chuan i dawn tûr lam ni lovin i pêk chhuah tûr lam i ngaihtuah tam zâwk tûr a ni. (Phil. 2:3, 4) In inneih hmaa Bible thu bulte i nunpui a nih chuan inneihna hlimawm tak nei tûrin lungphûm nghet tak i phûm a ni ang.

INNEI TURA INBUATSAIHNA—ṬHEN 3: ‘A MAN TUR CHIN CHHUT RAWH’ TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge unaunu leh Shane-a inlaichînna chu a ṭhan chhoh?

• An inhriat chian hnuah unaunu chuan Shane-a chungchângah eng thil nge a hriat?

• Engtin nge unaunu chu a nu leh pate’n an ṭanpui a, eng thu tlûkna pawimawh tak nge a siam?