I Châkna Thunun Rawh

Mihring ṭha famkim lo kan nih angin, kan châkna thunun reng tûrin theih tâwp kan chhuah chhunzawm zêl a ngai a. Kan châk zâwng apiang kan tih chuan Jehova duhsakna kan chân thei a ni. Entîr nân, mi ṭhenkhat chuan Pathian Jehova aiin ei tûr te, silh leh fên te, leh chênna tûr in te an ngaina zâwk a. Mi dangte chuan Pathian tehnate kalhin an tisa châkna an puitlin a. (Rom 1:26, 27) Mi dang lehte chuan ngainat, a nih loh leh pawm hlawh nih an duh avângin mi dang an inthununtîr bawk.—Ex. 23:2.

Engtin nge kan châkna chu kan thunun theih ang? Thlarau lam thilte ngaihtuah reng tûrin theih tâwp kan chhuah tûr a ni a. (Mt. 4:4) Chu bâkah, kan châkna thunun tûrin Jehova ṭanpuina kan dîl bawk tûr a ni. Engvângin nge? A chhan chu kan tâna ṭha ber tûr leh kan châkna ṭhate min phuhhrûksak dân a hriat avângin.—Sâm 145:16.

MEIZIAL AVANGIN I NUN CHAN SUH TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engvângin nge mi ṭhenkhatin meizial an zûk?

• 

  Meizial zûkin nangmahah eng nghawng nge a neih theih?

• 

  Engvângin nge meizial leh khâwl meizial zûk chu a ṭhat loh?—2 Kor. 7:1

• 

  Engtin nge meizial i do theih a, i bânsan hial theih?