Online-a I Ṭhiante Chu Tute Nge Ni?

Ṭhian tih chu “mi dang tuemaw nêna inhmangaihna, a nih loh leh inzah tawnna avânga awm inngainatna” tia sawi a ni a. Entîr nân, Davida’n Goliatha a thah hnu khân Jonathana leh Davida chuan inṭhianna nghet tak an nei ṭan a ni. (1 Sam. 18:1) An pahnih chuan mize duhawm takte an inlatîr tawn a. Chuvângin, inṭhianna nghet tak chu inhriat chiannaah a innghat a ni. Mi dang hre chiang tûr chuan a tlângpuiin hun leh tha sên a ngai. Mahse, social network-ah erawh chuan mite chu mouse vawi khat click-in “ṭhian” an ni thei a ni. Mite chuan online-a an thusawi tûr chu duh tâwka an ruahman lâwk theih bâkah, mite thlîr dan tûr pawh eng emaw chena an thunun theih avângin an nihna dik tak thup chu a awlsam hle. Chuvângin, online-ah eng ang ṭhiante nge i thlan ang tih fîmkhur taka ngaihtuah chu a ṭha a ni. An rilru tihnat i hlauh avâng maiin i mi hriat chian lohte’n ṭhiana an sâwmna che lo hnâwl chu hreh suh. Hlauhawm awm theite thlîrin mi ṭhenkhat chuan social network hman loh tawp chu an thlang a. Social network hman i thlang a nih erawh chuan i rilrua i dah reng tûr chu eng nge ni?

SOCIAL-NETWORK HMANNA KAWNGAH FIMKHUR THIAM RAWH TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Thuziak leh thlalâkte i post hmain eng thil nge i ngaihtuah ngai?

• 

  Engvângin nge online-a i ṭhian tûrte chu fîmkhur taka i thlan ang?

• 

  Engvângin nge social network atâna i hun hman zât tûr chu i bituk ang?—Eph. 5:15, 16