Jehova Rinchhan Theih Dân Kawng Thum

Davida chuan Jehova a rinchhan avângin Goliatha a hneh a. (1 Sam. 17:45) Jehova’n a chhiahhlawh zawng zawngte tân a chakna lantîr a duh a ni. (2 Chro. 16:9) Engtin nge kan tawn hriatte leh kan theihnate rinchhan aia Jehova ṭanpuina kan rinchhan theih? Kan rinchhan theih dân kawng thum a awm:

• Ṭawngṭai fo rawh. Thil sual tih hnua ngaihdam dîl nân chauh ni lovin, thlêmna tawh hunah pawh chakna dîlin ṭawngṭai rawh. (Mt. 6:12, 13) Thu tlûkna siam tawhte tân chauhva Jehova malsâwmna dîl lovin, thu tlûkna siam hmain a kaihhruaina leh finna dîlin ṭawngṭai rawh.—Jak. 1:5

• Bible chhiar leh zir chu tih ṭhanah nei rawh. Nî tin Bible chhiar la. (Sâm 1:2) Bible entîrnate ngaihtuah la, i thil zirte nunpui ang che. (Jak. 1:23-25) Tûn hmaa i tih ṭhin dânte rinchhan lovin, rawngbâwlna atân inbuatsaih rawh. Lo inbuatsaih lâwkna hmangin kohhran inkhâwm a kimin hlâwkpui ang che

• Jehova inawpna pâwl thawhpui rawh. Inawpna pâwl aṭanga lo kal kaihhruaina thar berte chu hria la, zâwm nghâl ang che. (Num. 9:17) Kohhran upate’n zilhna leh kaihhruainate an pêk hunah ngaithla rawh.—Heb. 13:17

TIHDUHDAHNA HLAUH A NGAI LO TIH VIDEO EN HNUAH, A HNUAIA ZAWHNATE HI CHHANG ANG CHE:

• Unaute’n eng thil hlauhawm nge an tawn?

• Engin nge an hlauhnate hmachhawn tûra ṭanpui?