Khawvêl Ṭha Zâwk A Hnai Tih Chanchin Ṭha Hril Rawh!

November thla chhûngin khawvêl ṭha zâwk a hnai tih chanchin ṭha hrilhnaah theih tâwp kan chhuah dâwn a. (Sâm 37:10, 11; Thup. 21:3-5) He campaign-a a tam thei ang bera tel tûrin i hun duan siamrem ang che. Hemi thlaa auxiliary pioneer i thawk dâwn a nih chuan dârkâr 30 emaw, 50 emaw hmua thawh i thlang thei a ni.

Mi a tam thei ang berte hnêna khawvêl thar chungchâng Bible châng chhiarsak tûrin inbuatsaih rawh. Bible châng chhiar tûr i thlan hunah in tualchhûnga mite ngaihven tûr ngaihtuah rawh. Tlawh hmasak bera tuina nei i tawn chuan vântlâng tâna chhuah Vênnainsâng No. 2 2021 chu pe ang che. Tuina nei chu bawhzui nghâl la, Chatuanin I Hlim Thei! tih brochure-in Bible zirna ṭan tum ang che. “Thil ṭha chanchin ṭha” thlennaa a tam thei ang bera tel chu a va hlimawm dâwn êm!—Is. 52:7.

LO THLENG TUR KHAWVEL THAR TIH TUN LAI HLA EN HNUAH, A HNUAIA ZAWHNATE HI CHHANG ANG CHE:

• Hmeichhe naupang pakhat chuan eng nakin hun ropui tak nge a mitthla?

• Khawvêl thara lo thleng tûr eng thil ṭhenkhatte nge i nghahhlelh?

• Engtin nge i beiseina chhût ngunna chuan November thla campaign-a tel kim tûra inbuatsaih tûrin a ṭanpui che?—Lk. 6:45