Hriatthiampuina Lantîrin

Hriatthiampuina chu mi dangte ngaihtuahna an rilru vei zâwng te, an hlutna te, leh an mamawhte hriatthiam theihna a ni a. Tih tak zeta mi dangte ṭanpui duhna kan neih chuan chu chu an tân hriat a awlsam hle. Rawngbâwlnaa hriatthiampuina kan lantîr hian, Jehova hmangaihna leh ngaihsakna kan entawn a, chu chuan mite chu a hnên lamah a hîp ang.—Phil. 2:4.

Hriatthiampuina hi tih dân hmang pakhat zui maia lantîr a ni lo; chu chu kan ngaihthlâk dânah leh thusawi dânah a lang chhuak a; chu bâkah, kan rilru put hmang, kan zaizir dân, leh hmêl lan dânahte pawh a lang chhuak bawk a ni. Hriatthiampuina chu mi tuemaw chunga ngaihsakna dik tak lantîrna hmangin kan târ lang thei a. A ngaihven zâwng te, a thurin te, leh a dinhmunte kan hria a. Inthlâk danglam tûra nawrlui lovin, thurâwn ṭangkai takte leh ṭanpuina kan pe a ni. Mi dangte’n kan ṭanpuina an pawm hian, chu chuan rawngbâwlnaah kan hlimna a tipung a ni.

ZIRTIR SIAMNAAH THIAMNA TIHMASAWNIN HLIMNA HMU RAWH—HRIATTHIAMPUINA LANTIRIN TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge Neeta-i’n Jade-i a rawn kal tlai khân, hriatthiampuina a lantîr?

• 

  Engtin nge Neeta-i’n zirna nei peih lo khawpa Jade-i rilru hah laiin hriatthiampuina a lantîr?

• 

  Engtin nge Neeta-i’n mi chefel tak a nih loh thu Jade-i’n a sawi khân, hriatthiampuina a lantîr?