PATHIAN THU AṬANGA RO HLUTE | LEVITICUS 4-5

Jehova Hnênah I Neih Ṭhat Ber Pe Rawh

5:5-7, 11

Israel ramah retheihna chuan Jehova nêna remna siam lo tûrin tumah a dâl lo. Israel mite zînga a rethei ber pawhin a neih ṭhat ber a nih phawt chuan Jehova hnênah a pawm tlâk inthawina a hlân thei. Chhangphut an hlân thei a; mahse, Jehova chuan khual zahawmte tâna an hman ṭhin chhangphut dip tak a phût a ni. (Gen. 18:6) Tûn laiah kan dinhmunte avângin kan pêk theih chu tlêm hle mah se, Jehova chuan kan neih ṭhat ber “faka inthawina” chu min pawmsak a ni.—Heb. 13:15.

Engtin nge hei hian i hrisêl loh vâng emaw, i chak loh vâng emawa tûn hma anga i tih theih loh hunah a tihchak theih che?

Thlalâk: Unaunu Pahnih chuan Jehova hnênah an neih ṭhat ber ‘faka inthawina’ an hlân. 1. Ṭawng dang hmanna biala rawngbâwl unaunu pakhat chuan bazâra nupakhat thu a hrilh. 2. Kum upa tak unaunu pakhatin a in aṭang lehkha thawn a ziak.