November Thlaa Neih Tûr Pathian Ram Puan Chhuahna Special Campaign

Isua chuan “Pathian Ram chanchin ṭha” a hril a. (Lk. 4:43) Chu Lalram lo thleng tûra ṭawngṭai tûrin mite chu a zirtîr bawk. (Mt. 6:9, 10) November thla chhûng hian, Pathian Ram chanchin puan chhuahna beihpui kan thlâk ang. (Mt. 24:14) He campaign-a ṭhahnemngai taka tel thei tûrin insiamrem ang che. Hemi thlaa auxiliary pioneer thawkte chuan dârkâr 30 emaw, dârkar 50 emaw duh an thlang thei ang.

In rawngbâwlna biala mi a tam thei ang berte hnênah Pathian Ram chungchâng Bible châng pakhat tal hmuh rawh. Bible châng chhiar tûr i thlan hunah i thu ngaithlatute sakhaw vawn chu ngaihtuah tel ang che. Tlawh hmasak bera tuina nei i tawn chuan, Vênnainsâng No. 2 2020 chhuak chu pe ang che. Tuina nei chu bawhzui nghâl la, kan Zirtîrna Hmanraw Bâwm-a thu leh hla chhuah pakhat hmangin Bible zirpui ṭan tum ang che. Pathian Ramin a dotu zawng zawng a tihkeh sawmna tûrin hun tlêm tê bâk a awm tawh lo. (Dan. 2:44; 1 Kor 15:24, 25) Chuvângin, he hun remchâng ṭha tak hi Jehova leh a Lalram chunga kan rinawmzia lantîr nân i hmang ṭheuh vang u!