Jehova Nêna In Inlaichînna Chu Ngaihlu Rawh

Jehova Thuhretute chuan chanvo hlu tak an nei a. Baptisma chang tawh kan nih angin, Lal Chungnungber Jehova nêna mi mal inlaichînna thûk tak chu kan chhawm nung chho zêl a ni. Ani chuan a Fapa hmangin a lamah min hîp a. (Joh. 6:44) Kan ṭawngṭainate a ngaithla bawk.—Sâm 34:15.

Engtin nge Pathian nêna kan inlaichînna hlu tak chu kan vênhim theih? Kawng khat chu Israel mite kawng sual zawh ang zawh ve lohna hmangin a ni a. Anni chuan Jehova nêna inlaichînna nei tûra thu an thlun hnu lawkah, rangkachak bâwngno lem siamin, milem biakna sualah an tlu a ni. (Ex. 32:7, 8; 1 Kor. 10:7, 11, 14) Heti hian kan inzâwt thei: ‘Thil sual ti tûra thlêm ka nih hian engtin nge ka chhân lêt? Ka thiltihin Jehova nêna kan inlaichînna ka ngaihhlutzia a târ lang em?’ tiin. Kan Pa vâna mi hmangaihna thûk tak kan neihna chuan a thil huatte tlânsan tûrin min ṭanpui ang.—Sâm 97:10.

JEHOVA NENA IN INLAICHINNA VENGHIM RAWH TIH VIDEO EN HNUAH (KOL. 3:5), A HNUAIA ZAWHNATE HI CHHANG ANG CHE:

• Awhna chu eng nge ni?

• Engvângin nge duhâmna leh milem biakna kan hnâwl ang?

• Engtin nge uirêna leh milem biakna a inkûngkaih?

• A bîk takin inawpna pâwla chanvo neite’n, engvângin nge an kawppuite mamawh an ngaihsak ang?