I Hun Leh Tha I Pe Thei Ang Em?

Isaia sawi lâwk angin, lei lama Jehova inawpna pâwl chu tûn hma zawng aia nasain a ṭhang tih kan hmu. (Is. 54:2) Chuvângin, Kingdom Hall te, Assembly Hall te, leh branch tharte sak a ngai a. Sak zawh an nih hnuah, chûng inte chu enkawl leh a ṭhen chu thawm ṭhat an ngai a ni. Hei hian Jehova hnêna kan hun leh tha pe tûrin eng hun remchâng nge min pêk?

• Kan rawngbâwlna group-in Kingdom Hall an tihfai hunah kan pui thei

• Kingdom Hall enkawl tûra zirtîrna dawng tûrin tlâwmngaiin kan inpe thei

• Local Design/Construction Volunteer Application (DC-50) dîlna ziak khatin kan chhehvêla kingdom Hall sakna leh thawm ṭhatna neih a nih hunah kan ṭanpui thei

• Application for Volunteer Program (A-19) dîlna kan ziak khat thei a, kan branch enkawlna hnuaia awm Bethel-ah emaw, branch kaihhnawih hna dang emaw thawk tûrin kâr khat emaw a aia tam emaw kan inpe thei bawk

IN SAKNA HNA THAR RUAHMAN A NI—A LAKTAWI, TIH VIDEO EN HNUAH, A HNUAIA ZAWHNATE HI CHHANG ANG CHE:

• Kum 2014 aṭang khân engtiang khawpa nasain nge video-te hman a nih?

• Video-te tam lehzuala tichhuak tûrin eng ruahmanna nge awm a, chu hna chuan engtia rei nge a awh ang?

• Tlâwmngaia inpete’n he hna hi engtin nge an ṭanpui theih?

• Ramapo-a in sak hna ṭanpui duh ta ila, engvângin nge dîlna (DC-50) ziah leh kan chhehvêla Local Design/Construction hnathawhnaah kan ṭanpui a ngaih?

• He hna hi Jehova’n a kaihruai a ni tih engin nge tichiang?

• He insakna hnaah hian kan tel thei lo a nih pawhin eng kawngin nge he hna hi kan ṭanpui theih?