Rawngbâwlnaah Thiamna Tihhmasâwn Dân—Camera a nih loh leh Intercom Hmanga Thu Hrilin

A PAWIMAWH CHHAN: Tun lai thiamna a changkân chhoh zêl rual hian, dân bawhchhiatna a pun zêl avângin camera leh intercom-te chu chênna in vênhimna atâna mite hriat tlânglâwn tak a lo ni a. Kan hmuh theih loh min hmu theitu tuemaw hnêna thu hrilh chu kan zâm mai thei. A hnuaia hriatnawntîrnate hian camera emaw, intercom emaw hmanga thu hril tûra inrintâwkna nei lehzual tûrin min ṭanpui ang.

A TIH DAN TUR:

• A êng zâwngin thil thlîr rawh. Camera emaw, intercom emaw hmangtu in neitu tam tak chuan min biak an duh ṭhîn

• Camera ṭhenkhat chuan kawngkhâra bell i hmeh hma aṭangin a lo record ṭan thei a, chuvângin, kawngkhâr bul i thlen hmâ aṭangin in neitu chuan a lo hmu chein, i thusawi pawh a lo hre thei a ni

• In neituin a chhân lêt hunah che intercom emaw camera emaw chu amah i biak angin bia la. Nui hmêl puin, pângngai takin zaizir ang che. Kawngkhâr a rawn hawng a nih pawhin sawi tûr i lo inbuatsaih sa tho chu sawi rawh. Camera a awm a nih chuan hnai lutukin va en suh. Inneituin a chhâng lo che a nih chuan thu hnutchhiah a ngai lo vang

• In inbiak zawh hnuah pawh in neituin a la hmu chein, a ngaithla reng thei che tih theihnghilh suh