Dâwt Thu Theh Darh Lo Tûrin Fîmkhur Rawh

Tûn lai hian, mi maktaduai tam takte hnênah thu hi a darh chak hle a, chu chu chanchinbu te, radio te, TV te, leh Internet te hmangin a ni. “Thutak Pathian” betute chuan tih palh thil thu pawhin, dâwt thu theh darh chu an duh lo. (Sâm 31:5; Ex. 23:1) Dâwt thu mi dangte hnêna hrilh chhâwnna chuan chhiatna nasa tak a thlen thei. I thu hriat chu a dik leh dik loh fiah nân, heti hian inzâwt rawh:

• ‘A sawitu chu mi rin tlâk a ni em?’ Chanchin sawitu chuan thil nih dân dik tak a hre lo mai thei. Thu inhrilh chhâwn chu a tâwpah a danglam ngei ngei ṭhîn a, chuvângin a lo chhuah ṭanna i hriat chian loh chuan sawi chhâwng lo tûrin fîmkhur ang che. A bîk takin kohhrana mawhphurhna chelhtute thusawi chu rin tlâka ngaih a nih avângin, hriat chian loh thute sawi chhâwng lo tûrin an fîmkhur hle tûr a ni

• ‘Insawichhiatna thu a ni em?’ Mi mal emaw, pâwl emaw sawichhiatna thu a nih chuan sawi chhâwn loh a ṭha ber.—Thuf. 18:8; Phil. 4:8

• ‘Thil âwih awm a ni em?’ Thu thin ṭhâwng tak leh thil mak tak i hriat hunah fîmkhur rawh

ENGTIN NGE MI REL KA BANSAN THEIH ANG? TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Thufingte 12:18 thu aṭang hian, thu sawiin eng angin nge mi a tihnat theih?

• 

  Engtin nge Philippi 2:4 thu hian mi dangte chungchâng sawina kawngah thlîr dân inbûk tâwk nei tûra min ṭanpui?

• 

  Mi dang chungchâng sawi chhiatna emaw, a ṭha lo zâwnga sawina emaw kan hriat hunah eng nge kan tih ang?

• 

  Mi dangte chungchâng kan sawi hmain eng zawhnate nge kan inzawh ang?