Tâwpna A Hnaih Zêl Rualin Ding Nghet Rawh

A PAWIMAWH CHHAN: Thil thleng mak tak tak chuan kan huaisenna leh Jehova kan rinna chu tûn hma zawng aia nasain a fiah thuai dâwn. Hrehawm nasa tak chu sakhaw dik lo tihchhiatna hmangin a inṭan ang. (Mt. 24:21; Thup. 17:16, 17) Chu hun khirh tak chhûng chuan, rorêlna thuchah khauh tak kan puan a ngai mai thei. (Thup. 16:21) Magoga rama Goga beihna kan tâwk ang a. (Ezek. 38:10-12, 14-16) Jehova’n a mite vênhim nân ‘Pathian Engkimtitheia ni ropuia indona’ a thlentîr ang. (Thup. 16:14, 16) Hêng nakin huna thil thleng tûrte atâna kan huaisen tlat theih nân tûna rinna fiahna kan tawhahte hian kan din ngheh a ngai a ni.

A TIH DAN TUR :

• Nungchang lama Jehova tehna sâng takte chu huaisen takin nunpui rawh.—Is. 5:20

• Kristian unaute rualin inkhâwm zêl rawh.—Heb. 10:24, 25

• Jehova inawpna pâwl aṭanga lo kal kaihhruainate chu zâwm nghâl rawh.—Heb. 13:17

• Hun kal tawha Jehova’n a mite a chhanchhuah dân chu ngun takin chhût rawh.—2 Pet. 2:9

• Jehova hnênah ṭawngṭai la, amah rinchhan tlat rawh.—Sâm 112:7, 8

HUAISEN A NGAIHNA NAKIN HUNA THIL LO THLENG TURTE—A LAK TAWI TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Kohhran pakhata thuchhuahtute’n an kohhran chu kohhran dang nên a infin laiin thuawihna kawngah eng fiahna nge an hmachhawn?

• 

  Engtin nge huaisenna leh thuawihna chu a inzawm?

• 

  Armageddon a lo thlen hunah engvângin nge huaisen a ngaih ang?

• 

  Jehova’n min chhanchhuak thei tih kan rinna tinghet tûrin eng Bible thilthlengin nge min ṭanpui thei?—2 Chro. 20:1-24