Jehova Chuan A Mite A Vênghim

Kalhlên Kût hmasa ber chu thilthleng chhinchhiah tlâk tak a ni a. Pharaoa’n chumi zâna a fa tîr a thi tih a hriat chuan Mosia hnênah: “Tho ula, ka miteho zîng ata hi chhuak rawh u, nangmahni leh Israela thlahteho nên hian; tin, kal ula, in sawi ang khan LALPA rawng chu va bâwl tawh u,” a ti a. (Ex. 12:31) Jehova chuan a mite a vênhimzia a lantîr a ni.

Tûn lai huna Jehova mite chanchin kan thlîr lêt hian, anni chu Jehova’n a kaihruaiin, a vênghim chhunzawm zêl tih a chiang hle. Chumi chungchâng chu world headquarter museum-ah “Jehova Hming Putute” tih thupui hmanga târ chhuah a ni.

WARWICK MUSEUM TLAWHNA: “JEHOVA HMING PUTUTE,” TIH VIDEO CHHUAH HNUAH, A HNUAIA ZAWHNATE HI CHHANG ANG CHE:

• 

  Bible Zirlaite chuan Bible an rinna tihngheh nân kum 1914 khân eng hmanraw thar nge an hman ṭan a, chu chu engtiang khawpin nge a hlawhtlin?

• 

  Eng fiahnate nge kum 1916 leh 1918-ah an tawh a, Jehova’n a inawpna pâwl chu a kaihruai tih eng finfiahna nge awm?

• 

  Engtin nge Jehova mite chu fiahna an tâwk chung pawhin rinawm taka an awm?

• 

  Eng hriatthiamna thar nge kum 1935-ah Jehova mite’n an dawn a, chu chuan anmahni engtin nge a nghawng?

• He museum hi i tlawh tawh a nih chuan, Jehova’n a mite a kaihruaiin, a vênghim a ni tih i rinna tichaktu eng thilte nge i hmuh?