Hun Rei Tak Chhûng Rawngbâwl Tawhte Hnên Aṭangin Eng Nge I Zir Theih?

Kan kohhranahte hian kum sawmbi tam tak chhûng Jehova rawngbâwl tawhte an awm a. Jehova an rinchhan tlat dân aṭangin kan inzir thei a ni. Jehova inawpna pâwl chanchin leh harsatna an tawhte bâkah, Jehova ṭanpuinaa an hmachhawn theih dânte kan zâwt thei a. An zînga tuemaw ber chu Chhûngkuaa Pathian Biakna kan neih hunah a thiltawnte sawi tûrin kan sâwm thei bawk.

Hun rei tak chhûng rawngbâwl tawh i nih chuan, i rinna chu Kristian naupang zâwkte hnênah inhawng takin hrilh ang che. Jakoba leh Josefa chuan an thiltawn chu an thlahte hnênah an hrilh a. (Gen. 48:21, 22; 50:24, 25) A hnuah, Jehova chuan chhûngkaw lûte chu an fate hnêna a thiltih ropui takte zirtîr tûrin a hrilh a ni. (Deut. 4:9, 10; Sâm 78:4-7) Kan hunah pawh, nu leh pate leh kohhrana mi dangte chuan naupangte hnênah Jehova’n a inawpna pâwl hmanga a thil hlen chhuah ropui tak takte chu an hrilh thei a ni.

KHAP BEHNA HNUAIAH INPUMKHATNA VAWNG TLAT RAWH TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge Austria branch-in kan rawngbâwlna khap behna ram ṭhenkhata unaute chu a ṭanpui?

• Engtin nge chûng rama awm kan unaute chuan an rinna an vawn ngheh tlat?

• Engvângin nge Romania rama thuchhuahtu tam tak chuan Jehova inawpna pâwl chu an kalsan a, engtin nge an kîr leh?

• Engtin nge hêng thiltawnte hian i rinna a tihchak?