Tute Nge Ka Sâwm Ang?

Kum tin hian kan biala mite chu Hriatrengna kan hmannaa lo tel ve tûrin theih tâwp chhuahin kan sâwm ṭhîn a. A tam zâwk chu hmêl hriat lohte an ni. Kan hmêl hriatte pawh kan sâwm bawk tûr a ni a. Hmêlhriatte hnên aṭanga sâwmna dawngte chu an rawn inkhâwm tlângpui ṭhîn. (yb08-E 11 ¶3; 14 ¶1) I sâwm theih mi ṭhenkhat chu tute nge ni?

• I chhûng khatte

• I hnathawhpuite, a nih loh leh i school kalpuite

• I ṭhenawmte

• I tlawhkîrte leh tûn hma leh tûna i Bible zirpuite

Chu bâkah, upate chuan rawngbâwlnaa tel tawh lote an sâwm ang. I hmêlhriat chu in vêngah awm lo ta se, engtin nge ni ang? A awmna vênga Hriatrengna hmanna tûr hun leh hmun hriat nân jw.org-a KAN CHANCHIN tih hnuaiah lût la, “Hriatrengna” tih i click chuan i hmu thei ang. Kumin hriatrengna atâna i inbuatsaih laiin i sâwm theihte chu ngaihtuah la, a tam thei ang berin sâwm ang che.