Nupate’n Inneihna An Tihngheh Theih Dân

Abrahama leh Sari te chu inhmangaih leh inzah tawnna kawnga nupa entawn tlâk tak an ni a. (Gen. 12:11-13; 1 Pet. 3:6) Mahse, an inneihna chu a ṭha famkim bîk lo, fiahnate an tawrh a ngai a ni. Nupate’n Abrahama leh Sari entawn tûr siam an ngaihtuahna aṭangin eng nge an zir theih?

Inbiak pawhna ṭha nei rawh u. I kawppuiin ṭawngkam na tak hmang mah se, inngaitlâwm takin chhâng lêt rawh. (Gen. 16:5, 6) Hun hmang dûn tûrin ruahmanna siam rawh. I ṭawngkam leh thiltihin, i kawppui chu i hmangaihzia hriattîr rawh. Chu bâkah, inzirna te, ṭawngṭaina te, leh amah biaknaa tel dûnin in inneihnaah Jehova teltîr tlat ang che u. (Thur. 4:12) Inneihna nghet tak chuan inneihna ruahmantu Jehova a chawimawi a ni.

INNEIHNA TIHNGHEH THEIH DAN TIH VIDEO EN HNUAH, A HNUAIA ZAWHNATE HI CHHANG ANG CHE:

• Kan en tâk chanchawp video-ah khân, Shaan-a leh Kiara-i te an inhlat tawlh tawlh tih engin nge târ lang?

• Engvângin nge inneihnaah inbiak pawhna ṭha neih a pawimawh êm êm?

• Engtin nge Abrahama leh Sari te entawn tûr siam chuan Shaan-a leh Kiara-i te a ṭanpui?

• Shaan-a leh Kiara-i te’n an inneihna tinghet tûrin engtin nge hma an lâk?

• Engvângin nge nupate’n an inneihna chu ṭha famkim tûra an beisei loh vang?