Rawngbâwlnaa Thiamna Tihhmasâwn Dân—Insiamrem Thei Tak Niin

A PAWIMAWH CHHAN: Hriak thihte leh berâm dangte chuan mi zawng zawng chu ‘nunna tui athlâwna la’ tûrin an sâwm a. (Thup. 22:17) He entîr nei tui hian sual leh thihna ata thuâwih mihringte chhan chhuahna tûra Jehova ruahmanna siam zawng zawng a entîr a ni. Hnam dân leh sakhaw thurin hrang hrang neite ṭanpui tûrin, “chatuan chanchin ṭha” chu an tâna pawm awlsam tûr zâwngin kan hrilh a ngai a ni.—Thup. 14:6.

A TIH DAN TUR:

• In rawngbâwlna biala mite thinlung khawih tûr thu leh Bible châng pakhat thlang rawh. Inbiak dân tûr entîrna aṭangin emaw, hlawhtling taka i lo hman tawh ṭhin thusawi dân emaw chu i thlang thei a. Eng thu leh Bible chângte nge mite’n an ngaihven? Mite ngaihven leh sawi duh chanchin thar a awm em? Eng thute nge mipa tân, a nih loh leh hmeichhe tân ngaihvenawm ang?

• In inbiaknaah in chheh vêla tih dân ṭhin chibai inbûkna leh hnam dânte chu telh rawh.—2 Kor. 6:3, 4

• Ngaihventu hnêna i pêk tûr kan zirtîrna hmanraw bâwma thu leh hla chhuahte leh video-te chu hre bel rawh

• In rawngbâwlna biala mite ṭawngin thu leh hlachhuah leh video-te chu download rawh

• I thusawi chu in neitu mamawh angin siamrem rawh. (1 Kor. 9:19-23) Entîr nân, in neitu chuan tûn hnai lawkah lû a sûn tih i hriat chuan eng nge i sawi ang?

VIDEO EN HNUAH, A HNUAIA ZAWHNATE HI CHHANG ANG CHE:

• Thuchhuahtuin eng thu nge in neitu a sawipui ṭan?

• In neituin a nunah eng thil nge a tawh?

• He dinhmunah hian eng Bible châng nge ṭha ber ang a, engvângin nge?

• In rawngbâwlna biala mite ngaihven tûr zâwngin engtin nge i thusawi dân i siamrem?