Eng Ang Khawpin Nge Pathian Thu I Ngaihhlut?

Pathian Lehkhabu thianghlim Bible-ah chuan a Ziaktu Pathian Jehova ngaihtuahna leh thusawite a chuang a. (2 Pet. 1:20, 21) Pathian Lalram hmanga a lalchungnunna thiam chantîrna sawi uarin, he leiah hian hun ṭha zâwk a awm thuai dâwn tih beiseina chu mi zawng zawng hnênah a pe a ni. Chu bâkah, kan Pa vâna mi, Jehova mize duhawm takte a târ lang bawk.—Sâm 86:15.

Jehova Thu chu chhan chi hrang hrang avângin kan ngaihlu ṭheuh va. Mahse, he thilpêk hlu tak hi nî tina chhiar a, nunpuina hmangin kan ngaihhlutzia kan lantîr em? Kan thiltih chuan: “I dân hi ka va ngaina êm!” tia sawitu fakna hla phuahtu rilru kan ṭâwmpuizia târ lang rawh se.—Sâm 119:97.

BIBLE AN NGAIHLU—A LAK TAWI (WILLIAM TYNDALE) TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engvângin nge William Tyndale-a’n Bible bu ṭhenkhat a lehlin?

• Engvângin nge Bible letling tûra a ṭan lâkna chu a chhinchhiah tlâk êm êm?

• Engtin nge Tyndale-a Bible lehlin chu England ramah a rûka tawlh luh a nih?

• Engtin nge Pathian Thu kan ngaihlutzia kan lantîr ṭheuh theih?