Theihnghilh Loh Hnathawh Ṭhate

Jehova chhiahhlawh zawng zawngte chuan theihnghilh loh tûr hnathawh ṭhate chu an thawk thei a. Fate thil ṭha tihte ngaihlutu hmangaihna nei tak nu leh pate ang bawkin, Jehova chuan a hming tâna kan hnathawh leh hmangaihna kan lantîr chu a theihnghilh lo. (Mt. 6:20; Heb. 6:10) Kan theihna leh dinhmunte chu a inang lo ngei mai a. Mahse, Jehova rawngbâwlnaah theih tâwp kan chhuah chuan kan hlim thei a ni. (Gal. 6:4; Kol. 3:23, 24) Kum tam tak chhûngin, unau a sâng têlte chuan Bethel-ah rawng an bâwl a. Bethel rawngbâwlnaah i inpe ve thei ang em? I thei lo a nih pawhin, tuemaw chu thawk tûrin i fuih thei ang em? A nih loh leh Bethel-a rawngbâwl mêk tuemaw chu he rawngbâwlna ṭha takah hian tel zawm zêl tûrin i ṭanpui thei ang em?

BETHEL-A RAWNGBAWL THEI TURA I TIH THEIHTE TIH VIDEO I EN HNUAH, A HNUAIA ZAWHNATE HI CHHANG ANG CHE:

• Bethel-a rawngbâwl i duh chhan chu eng nge ni ang?

• Bethel rawngbâwlna avânga malsâwmna an dawnte chungchângah mi ṭhenkhatin eng nge an sawi?

• Bethel-a rawngbâwl tûrin engte nge tlin ngai?

• Bethel-a rawngbâwl tûrin engtin nge i dîl theih?