Ṭhalaite U—“Thil Ṭha Tiha Ṭhahnemngai” Tak Ni Rawh U

Tirhkoh Paula chuan Tita hnêna thlarauva thâwk khum a lehkha thawnah, Tita pawh tiamin ṭhalai deuhte chu ‘engkimah thil ṭha tih kawngah tihhmuhtu’ ni tûrin a fuih a. (Tit. 2:6-8) Chumi hnuai lawkah, Jehova mite chu “thil ṭha tiha ṭhahnemngai” tak an nih theihna tûra tihthianghlim an nih thu a târ lang a ni. (Tit. 2:14) Chûng thil ṭha tihte zînga pakhat chu Pathian Ram chungchâng hrilh leh zirtîr hi a ni a. Ṭhalai i nih chuan, i chakna chu auxiliary pioneer emaw, regular pioneer emaw thawh nân i hmang thei ang em?—Thuf. 20:29.

Pioneer thawh i duh chuan i thawh theih nân ruahmanna rin tlâk tak siam ang che. (Lk. 14:28-30) Entîr nân, hunbi kima rawng i bâwl laiin, engtin nge i inenkawl ang? Engtin nge dârkâr phût zât chu i hmuh kim theih ang? I dinhmun chungchângah Jehova ṭanpuina dîlin ṭawngṭai ang che. (Sâm 37:5) I ruahmanna siam chu i nu leh pate leh hlawhtling taka pioneer lo thawk tawhte sawipui ang che. Tichuan, i thiltum hlen tûrin hma la rawh. Jehova chuan a rawngbâwlnaa i ṭhahnemngaihna chu mal a sâwm ngei ngei ang!

JEHOVA CHAWIMAWITU ṬHALAITE TIH VIDEO I EN HNUAH, A HNUAIA ZAWHNATE HI CHHANG ANG CHE:

• Mi ṭhenkhat chuan pioneer thawk tûrin eng ang harsatnate nge an hmachhawn tawh a, chu chu engtin nge an tih?

• Engtin nge nu leh pate chuan an fate chu regular pioneer thawk tûra an ṭanpui theih?

• Engvângin nge thu hrilhna hun duan neih chu a pawimawh?

• Engtin nge kohhrana unaute chuan pioneer-te chu an fuih a, an ṭanpui theih?

• Pioneer thawkte chuan eng malsâwmnate nge an dawn?