“Kan Dawl Lo”

4:16-18

In hlui tak leh chhe tak pakhata chêng chhûngkaw hnih chu han mitthla teh. Chhûngkaw khat chu an beidawng êm êm a. Mahse, mak tak maiin chhûngkaw dang erawh chu an hlim hle thung a. Engvângin nge? An chhûngkua chuan in thar mawi takah an insawn lût thuai dâwn tih an hriat vâng a ni.

“Thil siam zawng zawngte chu tûn thlengin rûm leh nauvei na tuarin” awm mah se, Pathian chhiahhlawhte chuan anmahni tichaktu beiseina an nei a. (Rom 8:22) Pathian khawvêl thara kan dawn tûr chatuan nêna khaikhin chuan tûna kan tawh mêk mangannate chu kum sâwmbi têla rei pawh ni se, ‘nêp tak leh mit khap kâr’ lek anga sawi theih a ni. Nakin huna Lalram malsâwmnate ngaihtuah tlatna chuan hlim tûr leh tlâwm lo tûrin min ṭanpui ang.