Rawngbawlnaa Thiamna Tihhmasawn Dan​—Lehkha Thawn Ṭha Takte Ziakin

A PAWIMAWH CHHAN: Korinth thawn khatna hi tirhkoh Paula’n a Kristian unaute fuihna tûra a ziah lehkha thawn 14 zînga pakhat a ni a. Miin lehkha thawn a ziah hian ngun taka ngaihtuahna hun a neih bâkah, a dawngtuin a chhiar nawn fo thei a ni. Lehkha thawn chu chhûngte leh hmêlhriatte hnêna thu hrilh theih dân kawng ṭha tak a ni a. Kan biak pawh theih lohte hnêna thu hrilh dân ṭha tak a ni bawk. Entîr nân, tuina nei mi tuemaw chu ina hmuh a harsa thei a ni. Chu bâkah, kan bialchhûnga mi ṭhenkhat chu pâwn lam mite tâna luh theih lohna ṭha taka vênhim inahte, a nih loh leh tlawh pawh a harsatna hmunahte an khawsa thei a ni. Chuti chu, a bîk takin kan hriat ngai lohte hnêna lehkha thawn kan ziah huna kan hriat reng tûr chu eng nge ni?

A TIH DAN TUR:

• 

  Hmaichhana i hmuh huna i sawi tûr ang chu ziak ang che. Lehkha thawn tîr lamah chuan tu nge i nih a, lehkha thawn i ziah chhante chu fiah takin târ lang rawh. A ngaihtuah tûr zawhna pakhat i zâwt thei a, tichuan kan website chu i kawh hmuh thei a ni. A hnuah, Online Bible Study Lesson chungchâng, in lama Bible zirpuina program kan neih dân, a nih loh leh Bible zirpuinaa kan hman lehkhabua thupui ṭhenkhat chu hrilh ang che. Contact card, sâwmna, a nih loh leh tract ang chi thu leh hla chhuahte chu thun tel ang che

• Ziak sei suh. A dawngtu tâna chhiar peih awm lo khawpa seiin ziak suh.—Lehkha thawn ziak dân tûr entîrna chu en rawh

• A fiahin, a sual a awm loh nân chhiar nawn rawh. Nêlawm tak, remhre tak, leh mi tichak thei tak a ni tih chian bawk ang che. Dâk tiket indaih tâwk tûr bel ang che