Isua Chu I Unau Tân Pawh A Thi

Isua chuan a nun chu mi ṭha famkim lote tân a hlân a. (Rom 5:8) Min hmangaih avânga a nun min pêkna chu kan ngaihlu ṭheuh ang tih rinhlelh rual a ni lo. Mahse, a châng chuan Krista chu kan unaute tân pawh a thi tih kan inhriatnawntîr a ngai thei a. Engtin nge Krista hmangaihna ang chu keimahni anga ṭha famkim lo kan unaute chungah kan lantîr theih? Kawng chi thumin ngaihtuah ta i la. A hmasa berin, keimahni nêna ṭobul inang lote kâwmin kan inhawng zau thei a. (Rom 15:7; 2 Kor. 6:12, 13) A pahnihnaah, mi dangte lung nih lohna thlen thei thusawi leh thiltihte ti lo tûrin kan fîmkhur thei a ni. (Rom 14:13-15) A tâwp berah, tuemawin kan chungah thil a tihsual chuan kan ngaidam nghâl thei a ni. (Lk. 17:3, 4; 23:34) Hêng kawngahte hian Isua entawn tûra theih tâwp kan chhuah chuan, Jehova’n kohhrana remna leh inpumkhatna nei tûrin mal min sâwm zawm zêl dâwn a ni.

A MAWI LEHZUAL! TIH VIDEO CHU EN LA, A HNUAIA ZAWHNATE HI CHHANG ANG CHE:

• 

  A tîra Miki-i’n a awmna kohhran a thlîr dân chu eng nge ni?

• 

  Engin nge a ngaih dân thlâktîr?

• 

  Engtin nge Isua entawn tûr siam chuan Miki-i chu a thlîr dân thlâk danglam a tûra ṭanpui? (Mk. 14:38)

• 

  Engtin nge Thufingte 19:11 chuan kan Kristian unaute chu a ṭha zâwnga thlîr tûra min ṭanpui theih?