Bible Zirlai Taima Tak Nih Theih Dân

Daniela anga fiahna hnuaia rinawm tlat chu i duh ang em? Ani chuan hrilh lâwkna thu rîl takte pawh tiamin Pathian Thu chu taima takin a zir a. (Dan. 9:2) Taima taka Bible zirna chuan rinawm reng tûrin a ṭanpui thei che. Engtin nge? Jehova thutiamte a thleng dik ngei ang tih i rinna chu a tipung thei a. (Jos. 23:14) Pathian i hmangaihna tipung tûrin a ṭanpui thei bawk che a, chu chuan thil dik ti tûrin a chêttîr ang che. (Sâm 97:10) Mahse, khawi aṭangin nge i zir ṭan ang? A hnuaia rawtnate hi ngaihtuah rawh.

• Eng nge ka zir ang? Inzirna ṭha takah chuan kohhran inkhâwm atâna inbuatsaihna a tel a. I hriatthiam loh laite hun pea zir bingna i neih chuan chawlhkâr chhûng Bible chhiar chu i hlawkpui lehzual ang. Chu bâkah, mi ṭhenkhat chuan Bible hrilh lâwkna te, Pathian thlarau rah hmêl hmang chi hrang hrang te, tirhkoh Paula missionary zin kawng chanchin te, a nih loh leh Jehova thil siam hmuh theihte chanchin zir chu an duh a. Bible zawhna pakhat hriat chhuah i neih chuan, ni danga zir chian atân ziakin chhinchhiah ang che.

• Khawi aṭangin nge ka zawn hmuh ang? Zawn hmuhna tûr hriat nân, i duh leh zir bingna neih dân târ lanna Thlarau Lam Lunghlute Laih Chhuahna Tûr Zir Bingna Hmanruate tih video chu en ang che. I thiam leh thiam loh fiah nân, Daniela bung 7-naa sakawlhte’n an entîr khawvêl thuneitute zir bingna nei rawh.

• Inzir nân hun eng zât nge ka hman ang? Inzirna neih ziah chu thlarau lam hrisêlna atâna thil pawimawh tak a ni a. A ṭûl chuan, rei lo te chhûng inzirna nei ṭan la, tichuan, zir rei telh telh ang che. Pathian Thu zir chu ro phûm rûk zawn ang a ni a; i zawn hmuh tam poh leh zir belh duhna i nei tam lehzual sauh vang! (Thuf. 2:3-6) Pathian Thu i ngainatna chu a lo pung ang a, Bible zir chu i thiltih pângngai a lo ni zêl ang.—1 Pet. 2:2.

DANIELA BUNG 7-A SAKAWLHTE CHUAN ENG NGE AN ENTIR?

• 

  Dan. 7:4

• 

  Dan. 7:5

• 

  Dan. 7:6

• 

  Dan. 7:7

ZAWHNA DANG:

Engtin nge Daniela 7:8, 24-na chu a thlen famkim?

ZIR LEH TUR:

Thu Puan bung 13-a sakawlhte chuan eng nge an entîr?