Jehova Thutiamte I Rinna Chu Engtiang Khawpin Nge A Ngheh?

Josua leh Solomona chuan Jehova thutiamte chu pakhat mah thlâwn a awm ngai lo tih an nemnghet ve ve a. (Jos. 23:14; 1 Lal. 8:56) Hêng hretu rin tlâk pahnihte thusawi hian kan rinna nghahchhan lungphûm nghet tak chu a tinghet sauh a ni.—2 Kor. 13:1; Tit. 1:1, 2.

Josua hun laiin Jehova’n engtin nge a thutiamte a hlen? “Pakhat Mah Thlâwn A Awm Lo” tih video chu inchhûngkuain en ula. Tichuan, a hnuaia zawhnate hi ngaihtuah ang che u: (1) Rahabi rinna thiltihte chu engtin nge kan entawn theih? (Heb. 11:31; Jak. 2:24-26) (2) Akana entîrna chuan duh rêng vânga thuâwih lohnain chhiatna a thlen tih engtin nge a târ lan? (3) Gibeon mite chuan indo mi an ni chung pawhin, engvângin nge Josua chu bumin Israel mite nêna inremna an siam? (4) Amor lal pangate’n Israel an vau khân Jehova thu chu engtin nge a thlen dik? (Jos. 10:5-14) (5) I nunah Pathian Ram leh a felna i dah hmasak hian, Jehova’n eng nge a tihsak che?—Mt. 6:33.

Jehova thiltih tawhte, a tih mêkte, leh a la tih tûr zawng zawngte kan ngaihtuah hian a thutiamte kan rinna chu a nghet lehzual ang.—Rom 8:31, 32.