KRISTIANTE ANGIN NUNG RAWH

Rawngbâwlnaa Tel Tawh Lote I Fuih Thei

Berâmpuin berâm bo pakhat chhan chhuah a tum

April 11, Thawhlehnî-ah chuan rawngbâwlnaa tel tawh lo mi tam tak chu Hriatrengna inkhâwmah an rawn tel ang a. Nunna atâna intlânsiaknaah tlân ṭan mah se, chhan chi hrang hrang avângin an tlân zawm lo va, a chhan ṭhenkhat chu Jehova Hnênah Kîr Leh Ang Che tih brochure-ah târ lan a ni. (Heb. 12:1-2) Jehova’n a Fapa thisena a lei tawhte an nih avângin, a tân an la hlu reng a. (Tirh. 20:28; 1 Pet. 1:18, 19) Engtin nge anni chu kohhrana rawn kîr leh tûra kan ṭanpui theih?

Berâmpuin a berâm rual aṭanga vâk bote chu taima taka a zawng angin, kohhran upate chuan rawngbâwlnaa tel tawh lote chu zawng chhuakin an ṭanpui a. (Lk. 15:4-7) Chu chuan Jehova ngaihsakna duhawm tak a târ lang a ni. (Jer. 23:3, 4) Upate chauh ni lovin, kan za hian chutiang mite chu kan fuih thei a. An chunga ngilneihna leh lainatna kan lantîrna chuan Jehova a tilâwmin, manhla tak a ni thei a ni. (Thuf. 19:17; Tirh. 20:35) Chuvângin, i fuih theih tûrte chu ngaihtuah la, hma la nghâl rawh!

Laura-i chuan tukverh aṭangin pâwn lam a thlîr vawng vawng, Abbey-i a ṭawngṭai, Abbey-i leh Laura-i chu an inpawm a, tichuan thla an la dûn

RAWNGBAWLNAA TEL TAWH LOTE CHU FUIH RAWH TIH VIDEO CHU CHHUAH LA, TICHUAN A HNUAIA ZAWHNATE HI SAWIPUI ANG CHE:

Abbey-i’n a hriat loh Thuhretu a tawn khân engtin nge hma a lâk?
Rawngbâwlnaa tel tawh lo tuemaw ṭanpui kan rilrûk chuan engvângin nge upate kan râwn ang?
Abbey-i chu Laura-i tlawh leh tûrin engtin nge a inbuatsaih?
Engtin nge Abbey-i chuan Laura-i fuih tûrin nghahpeihna te, dawhtheihna te, leh hmangaihnate a târ lan?
Luka 15:8-10-a Isua tehkhin thu aṭangin eng nge kan zir theih?
Laura-i ṭanpui tûra thawhhona chuan eng nge a rah chhuah?