KRISTIANTE ANGIN NUNG RAWH
Tihduhdahna Tuar Kristiante Tân Ṭawngṭaisak Rawh
Kan rawngbâwlna dâl tûrin Setana’n tihduhdahnate a hmang ang tih Bible chuan a sawi lâwk a. (Joh. 15:20; Thup. 12:17) Ram danga tihduhdahna tuar kan Kristian unaute chu engtin nge kan ṭanpui theih? An tân kan ṭawngṭai thei a. “Mi fel ṭawngṭaina chuan thil nasa tak a ti ṭhîn.”—Jak. 5:16.
Ṭawngṭainaah engte nge kan telh theih? Kan unaute huaisenna pe tûr leh hlau lo tûra ṭanpui tûrin Jehova hnênah kan dîl thei a. (Is. 41:10-13) “Inrema thlamuanga kan khawsak theih nân” kan thu hrilhna hna dodâl lo tûrin thuneitute tân kan ṭawngṭai thei bawk.—1 Tim. 2:1, 2.
Paula leh Petera’n tihduhdahna an tawrh khân, kum zabi khatnaa Kristiante’n an hming lamin an ṭawngṭaisak a ni. (Tirh. 12:5; Rom 15:30, 31) Tûn laia tihduhdah tuarte chu an hming kan hre lo a nih pawhin, an kohhran, an ram leh awmna hmunte kan sawi thei ang em?