Naupangin Kawngkâ Min Hawn Chuan

Rawngbâwlnaah naupangin kawngkâ min hawn chuan, a nu leh pate biak kan duh thu kan hrilh ang a. Chu chuan lû an nihna kan zahzia a târ lang a ni. (Thuf. 6:20) Naupangin lêng lût tûra min sâwm a nih pawhin kan lût mai tûr a ni lo. A nu leh pate an awm loh chuan, hun dangah kan tlawh leh tûr a ni.

Naupang lutuk a nih loh va, tleirâwl a nih chuan, a nu leh pate zawh chu thil âwm tak a ni a. An awm loh erawh chuan, a nu leh pate’n a duh duh chhiartîr an phal leh phal loh kan zâwt thei ang. An phal a nih chuan, thu leh hla chhuahte kan pein, jw.org kan kawhhmuh thei a ni.

Tuina nei ṭhalai pakhat kan tlawhkîr hunah, a nu leh pate hmuh kan duh thu kan hrilh tûr a ni a. Chu chuan kan va lên chhan hrilhfiah theihna leh chhûngkuate tâna Bible-a hmuh thurâwn rintlâk takte hmuhtîr theihna hun remchâng min pe ang. (Sâm 119:86, 138) A nu leh pate chunga zahna leh ngaihtuahna kan lantîrna chuan thu hrilhna ṭha tak min pe theiin, a chhûngte hnêna chanchin ṭha hrilh theihna hun remchâng dang min pe thei bawk.—1 Pet. 2:12.