Rawngbâwlnaah Thiamna Tihmasâwn Rawh—⁠Ṭawng Dang Hmangte Hnêna Thu Hrilin

A Pawimawh Chhan: Jehova chuan ‘hnam tin zînga’ mite thlarau lama an ṭhatna tûr chu a ngaihsak a. (Tirh. 10:34, 35) Chuvângin, ­Isua’n chanchin ṭha chu ‘hnam zawng zawngah’ leh ‘khawvêl zawng zawnga’ hrilh a nih tûr thu a sawi a ni. (Mt. 24:14) Zakaria chuan “hnam ze tinrêng aṭanga lo chhuakte” chuan an chhâng lêt dâwn tih a sawi lâwk a. (Zak. 8:23) Tirhkoh Johana inlârna hmuhah chuan ‘hrehawm nasa taka’ dam khawchhuakte zîngah “hnam tin zînga mi te, chi tin zînga mi te, mi tin zînga mi te, ṭawng tin zînga mi te” an tel ang. (Thup. 7:9, 13, 14) Kan sawi tâkte ngaihtuah chuan, kan thu hrilhna biala ṭawng dang hmangte hnênah thu hrilh kan tum tûr a ni.