Thusawi Dân Tûr Entîrna

January Thla Inrinni Hmasa Bera Bible Zirpui Neih Ṭanna Tûr

“Mi tam takte chuan Pathian chungchângah ngaih dân an nei ṭheuh va. Ṭhenkhat chuan hriat thiam theih loh chakna mak tak pakhat angin an ngai a. Mi dangte chuan hmangaihna ngaih tak kan Pa, vâna mi angin an ngai bawk. Pathian hi eng angin nge i lo ngaihtuah ve ṭhin?” A chhânna nghâk rawh. “He mi chungchângah hian Pathian Thu ṭhenkhat ka hrilh thei che ang em?” In neituin tuina a lantîr chuan January 1 Vênnainsâng kawm hnung lam chu hmuhtîr la, zawhna hmasa ber hnuaia thu awmte chu sawipuiin, Bible châng pakhat tal chhiarpui ang che. Magazine chu pe la, a dawta zawhna sawiho tûra tlawhkîr leh tûrin ruahmanna siam bawk ang che.

Vênnainsâng January 1

“Kan vaia min nghawng ṭhîn thil engemaw chungchâng sawi tûrin rei lo tê kan rawn lêng a—chu chu kan hmangaih takte thihna hi a ni. Ṭhian duh tak emaw, chhûngkhat emawte borâlna chu tawrh harsa berte zînga mi a ni i ti ang em? [A chhânna nghâk rawh.] Mi tam takin thlamuanthlâk an tih thutiam pakhat ka hmuhtîr thei che ang em? [In neituin rem a tih chuan Isaia 25:8 chhiar rawh.] He magazine hian thihna titâwp tûr leh kan hmangaih takte thawhlehna tûr chungchânga Bible thutiam thlamuanthlâk takte chu a sawi a ni.”