Theocratic Rawngbâwlna School Ennawnna

A hnuaia ennawnna zawhnate hi August 30, 2010 chawlhkâra neih tûr Theocratic Rawngbâwlna School-ah sawiho a ni ang. School enkawltu chuan July 5 aṭanga August 30, 2010 chhûng chawlhkâra thu zirte ṭanchhanin minute 20 chhûng awh tûr ennawnna a kaihruai ang.

1. Engtin nge Solomona biak in hlanna ṭawngṭaina thute ngun taka ngaihtuahna chuan Pathian Jehova miziate kan ngaihhlutna a tihzual ang? (1 Lal. 8:22-53) [w05 7/1 p. 30 par. 2]

2. Davida chuan thil sual tam tak ti mah se, engvângin nge Pathian Jehova hmaa “thinglung rinawm tak pu” anga kan sawi theih? (1 Lal. 9:4, NW) [w04 12/1 p. 22 par. 5]

3. A upat hnua Solomona rinawm loh chhan chu a tar chak tawh loh vâng em ni? (1 Lal. 11:4) [w05 7/1 p. 29 par. 4]

4. Judai rama Pathian mi chanchin aṭangin eng nge kan zir theih? (1 Lal. 13:11-24) [w05 7/1 p. 31 par. 3]

5. Lalte pakhatna 14:13 thu aṭangin Pathian Jehova chungchâng eng nge kan hriat theih? [w05 7/1 p. 31 par. 4]

6. Zarephath hmeithai hnên aṭangin Pathian Jehova chungchâng eng nge kan zir theih? (1 Lal. 17:10-16) [w05 7/1 p. 31 par. 6]

7. Obadia chungchânga a lan angin, Pathian ṭihna chuan eng ang khawpin nge thil a tih theih? (1 Lal. 18:4) [w06 10/1 p. 21 par. 18-19]

8. Elija’n ‘tuilairap’ a tih khân eng a tihna nge ni? (1 Lal. 18:21) [w06 1/1 p. 16-17 par. 2-3]

9. Engvângin nge Elisa chuan ‘Elija thlarau chan hnih’ a dîl? (2 Lal. 2:9) [w05 8/1 p. 8 par. 6]

10. Engvângin nge Elisa chuan Naamana thilpêk chu a hnâwl? (2 Lal. 5:15, 16) [w05 8/1 p. 9 par. 2]