Nun Hi Harsa Lutuk Anga A Lan Hunah

Entîr nân, Hurricane thlipui avânga a neih zawng zawng deuh thaw chântu, United States rama awm Sally-ia chuan: “Eng anga rei nge ka tawrh dâwn tih ka hre lo va. Mahse, ni tam tak chhûng chu tuar thei tawh lo ni hian ka inhria,” tiin a sawi.

A nih loh leh, kan hmangaih takin min boralsan ta se, engtin nge ni ang? Australia rama awm Janice-i chuan heti hian a sawi a ni: “Ka fapate pahnihin min boralsan chuan ka nun chu a keh chhe vek a, ngai awh leh tûr chuan theih tâwp chhuaha hma ka lâk a ngai a. Pathian hnênah: ‘LALPA, ka tuar zo tawh lo! Khawngaihin, mi thihtîr mai rawh. Nun ka duh tawh lo,’ tiin ka ngên a ni,” tiin.

Dinhmun dang lehah chuan, Daniel-a chu a laka a nupui a rinawm loh avângin a rilru a na hle a. Ani chuan: “Ka nupuiin ka laka a rinawm loh thu min hrilh chuan, ka thinlung chu chemtêa chhun ang maiin a na a. Chu chuan thla tam tak chhûng chu rilru natna min neihtîr a ni,” tiin a sawi.

Tûn ṭum chhuak Vênnainsâng hian a hnuaia dinhmunte kan tawh hunah pawh nungdama awm hi manhla tak a nih dân a târ lang ang

• Leilung chhiatna a thlen hunah

• Hmangaih takin min boralsan hunah

• Kawppui a rinawm loh hunah

• Natna khirh tak kan hmachhawn hunah

• Nun a harsat lutuk hunah

A nih leh, a hmasain, leilung chhiatna a thlen hunah engtin nge kan hmachhawn theih?