Tûn Laiah A Ṭangkai

“I thu hi ka ke atânte hian khâwnvâr a ni a, ka kawng atân êng a ni.”—SAM 119:105.

ENGTIN NGE BIBLE CHU A DANGLAM? Thu leh hla chhuah ṭhenkhat chu ṭha tak tak anga thlîr ni mah se, chûng chuan nunah kaihhruaina min pe khât khawp mai a. Tûn laia kaihhruaina lehkhabute chu a khât tâwka siam ṭhat chhoh a ngai zêl a. Kawng leh lamah Bible chuan “hmân laia ziak apiangte chu keimahni min zirtîrna tûrin ziak” niin a inchhâl a ni.—Rom 15:4.

ENTIRNA PAKHAT: Damdawi lam lehkhabu a ni lo chung pawhin, Bible-ah chuan tisa lam leh rilru lam damna tûra rawtna ṭangkai a awm nual a ni. Entîr nân, “Rilru dam chu tîsa nunna a ni,” a ti. (Thufingte 14:30) “Mi inkulh hrang mi chuan mahni duhzâwng a zawng ṭhîn a, finna dik zawng zawng a tai ṭhîn,” tiin min vaukhân bawk. (Thufingte 18:1) Kawng lehlamah chuan, “englo lâk aiin pêkin lukhâwng a nei zâwk” a ti bawk.—Tirhkohte 20:35.

ZIR BINGNAIN A TAR LAN CHU: Rilru damna, ṭhian ṭha neihna, leh thil phalna chuan hrisêlna ṭha zâwk a neihtîr thei che. Damdawi lam chanchin ziakna, The Journal of the American Medical Association chuan: “Thinrima âng buan buan ṭhîn mipate chu insûm theite aiin a lêt hnihin zeng angin an awm thut duh zual,” a ti. Australia rama kum sâwm chhûng an zirna aṭangin, tarte zînga “mahni harsatna sawina tûr ṭhian kawm neite” chu an dam rei zâwk dâwn niin a lang. Tin, kum 2008 khân, Canada leh United States ram aṭanga zir bingna neite chuan “mi dangte tâna sum hmanna chuan mahni tâna hmanna aiin hlimna a thlen nasa zâwk” tih an hmu chhuak bawk.

ENGTIN NGE I NGAIH? Kum 2,000 dâwn lai kaltaa ziak hrisêlna chungchânga thurâwn lehkhabu dang chu i ring thei dâwn em ni? Nge ni a, Bible hi a danglam bîk zâwk? (w12-E 06/01)

[Phêk 8-naa thu lâk chhuah]

“Bible ka ngainat êm êm nachhan chu . . . damdawi lama kaihhruaina ṭha tak a chuan vâng a ni.—HOWARD KELLY, M.D., FOUNDING FACULTY MEMBER OF THE JOHNS HOPKINS UNIVERSITY SCHOOL OF MEDICINE